Fisikako Gradua

Natura xedetzat hartuta, energiarekin, materiarekin eta haien arteko interakzioekin lotutako alderdiak aztertzen ditu, handienetik hasi (planetak, galaxiak edo unibertso osoa) eta txikienera arte (atomoak, oinarrizko partikulak). Gradu honek Fisikaren oinarrizko kontzeptuetan, ereduetan eta metodoetan eta haren legeetan oinarritutako prestakuntza ematen du. Lengoaia matematikoa, metodo esperimentala, instrumentazio sofistikatua eta metodo konputazionalak hobeto ezagutzea ahalbidetzen du. Profesional moldaerrazak eta ingurune zientifikoan eta teknologikoan diziplina anitzeko arazoak konpontzeko gai diren profesionalak eratzen ditu, eta are zehatzago, hurrengo gaietan adituak: energiaren ekoizpena, aplikazio informatikoen garapena, industriako aplikazioen eta telekomunikazioko aplikazioen garapena, material berriena, kriptografia, astrofisika eta espazioa arakatzea, meteorologia zein klimatologia, ingurumena, medikuntza eta abar.